ارجوكم ردو علي انا خايفة من الزواج

[غير مسجل]

بسم الله الرحمن الرحيم السلام عليكم ورحمة الله وبركاته
انا فتاه عندي25 سنة كل ماحد يتقدم لي افكر مليون مرة في الزواج واموره ولكن الحمدلله مرفضتش واحد علشان انا مش عايزة اتزوج لسه فيا شوية عقل كنت برفضهم عشان الأخلاق ولكن كل مابفكر في الزواج اخاف جدا وقرر اني متزوجش اقعد افكر مثلا لو خديه واحد مش ملتزم مش علي مرادك اللي حواليك او سنك او اي شيء اجبروك علي كده حياتك هتكون ازاي اقعد افكر بردو اقول لو خدته واحد وقعدت في بيت عيلة هل هتتحملي كل الأعباء بتاعت بيت العيلة وانتي اصلا مش واخده علي كده اقعد افكر لو اخدته واحد ضحيت عشانه كتير وهو مش مقدرني هتعملي ايه طيب لو خدتيه ملتزم واتغريتي في التزامه هتواجهي الموضوع ده ازاي اقعد افكرلو هو غريب عن بلدي وتزوجته و اول ليلة في الزواج واللي بيحصل فيها بترعب جدا واعزم علي اني متزوجش ابدا واقعد افكر هوالواحد لازم يتزوج ايه يعني لو الواحد متزوجش وقعد من غير زواج ومعظم الناس بقت كده وعايشين عادي بجد اتخنقت من التفكير وكرهت كرهت الزواج من كتر مابقرأ من مشاكل واسمع عن مشاكل وخايفة ييجي اليوم اللي اعزف عن الزواج نهائي وارفض اي شخص عشان متزوجش قولولي اعمل ايه لأني بصراحة مرعوبة من الزواج بحس انه بيحرم الواحدة من حاجات كتير مش عارفه ابطل الفكر السيء ده ازاي ارجو مساعدتم ولكم جزيل الشكر

[فريق استشارات سرك فى بير(الأخوات)]

رد: ارجوكم ردو علي انا خايفة من الزواج

المشكلة بتحصل لكل البنات قبل الزواج
ولكن لو نفتح باب " لو " ونحكي لو يحصل ولو يحصل
فكده كل حاجه مش حنقدر نعملها خالص

الامر ده حيجعل الانسان متردد بحياته و مش حيقدر يقرر حاجه الا الهروب من كل حاجه
اللازم و المطلوب هو بناء الثقه بالنفس

و كمان تانى حاجه الايمان بالقدر و القضاء
وانه ربنا مقدر لك الخير و لازم نساله الخير و نستخيره عشان الاحسن

تالت حاجه كل الامور المبهمه اللي بتساليها في سلسلة "لو" حتهدميها باليقين
و ده عن طريق السؤال عن اي شخص يتقدملك من طرفك و كمان من طرف اهلك
حيسالوا عنه و عن اهله و طباعهم و انطباعات جيرانهم عنهم

ومن ثم لو حصل خطوبة فدي كمان حتزيدك و تزيد اهلك معرفه فيه و باهله
و لو كانت حسناته تغطي على سيئاته
او تكون سيئاته مقبولة بالنسبة لك
او تكون فيه و في اهله حسنات كبيرة

فربنا يسهل اموركم بعد كده
اما لو حصل العكس فكله قضاء و قدر و نصيب

طبعا لازم تنتبهي انه اي حد له ايجابيات و سلبيات
مفيش حد كامل الا اللي بحاول يمثل نفسه كامل
عشان كده لازم نقارن بين مقدار الحسنات و السيئات ومين برجح

و لو تشوفي فالنبي صلى الله عليه وسلم قال عن كده :
عن أبي هريرة قال قال رسول الله صلى الله عليه وسلم "لا يفرك مؤمن مؤمنة إن كره منها خلقا رضي منها آخر"

يفرك يعني يبغضها بعضا شديدا

والمعنى انه المراه حتى لو كان فيها اشياء وحشه فاكيد حيكون فيها صفات حميده

ربنا يوفقك و يرزقك الرزق الحلال

[غير مسجل]

رد: ارجوكم ردو علي انا خايفة من الزواج

جزاكم الله خيرا